BDU-nun binası yandı

Bakı Dövlət Universitetinin binasında yanğın olub. Lent.az-ın Fövqəladə Hallar Nazirliyinin rəsmi saytına istinadən verdiyi məlumata görə, Quba rayonu, İkinci Nügədi kəndində (rayon mərkəzindən 11 km aralı) Bakı Dövlət Universitetinin hal-hazırda fəaliyyət göstərməyən, sökülməkdə olan ümumi sahəsi 480 kv.m olan 2 mərtəbəli taxta konstruksiyadan ibarət tikili yanıb. Yaxınlıqdakı tikililər yanğından mühafizə olunub. Yanğın saat 02:45-də yanğınsöndürənlər tərəfindən söndürülüb.