"Akula dişləri" olan 5 it cinsi

Bu it cinsləri mehriban və şirin görünə bilər, amma onların dişləri olduqca təhlükəli təsir bağışlaya bilər.

Lent.az-ın xarici mediaya istinadla xəbərinə görə, itlər, ümumiyyətlə, güclü diş quruluşuna malikdirlər və qarşılarına çıxan hər şeyi gəmirə bilirlər. Lakin məlum olub ki, bəzi kiçik ölçülü it cinslərində bir neçə sıra "akula dişlərinə bənzər" dişlər ola bilər.

Kiçik cins itlərdə tez-tez rast gəlinən bir problem "saxlanmış süd dişləri" dir. Bu, süd dişlərinin tökülməyərək böyüklərlə birlikdə ağızda qalması deməkdir. Bu da ağız boşluğunda sıxlıq və ikiqat diş sırası yaradır, nəticədə dişlər daha iti və nəzərəçarpacaq dərəcədə görünür.

Yorkşir Teryeri

Bu cinsin dişləri akula dişlərini xatırladır. Bu dişlər onların sevimli və tüklü bığlarının altında gizlənir. Eyni zamanda bu itlər balaca bədənlərində böyük xarakter daşıyırlar.

Lovet Pet Health Care klinikasının baytar həkimi Kerri Tarr deyir:

“Onların enerjisi və çılğınlığı bu cinsin cazibəsinin bir hissəsidir".

Çihuahua

Digər bir miniatür cins olan Çihuahua da qarşısına çıxan hər şeyi gəmirə bilir. Ancaq onların "akula" dişlərinin çox kiçik olması, zərər vermə ehtimalını azaldır.

Baytar Eymi Uorner əlavə edir

“Çihuahua balacadır, amma son dərəcə sədaqətlidir. Onlar bir insana dərin şəkildə bağlanır və olduqca etibarlı dostlardır".

Taksa

Taksa, kiçik ölçüsünə baxmayaraq, möhkəm və kəskin dişlərə sahibdir. Kinoloq Sara Rütten taksaları belə təsvir edir:

“Onlar çox maraqlıdır və ətrafı kəşf etməyi sevirlər. Lakin bu balaca dostlar çox yaxşı tərbiyə oluna bilir və ətrafdakılarla tez ünsiyyət qururlar. Onları divan gəmirəcəkləri yerinə gəzməyə təşviq edə bilərsiniz. Üstəlik, onlar əla yoldaşlardır".

Staffordşir Bullteryer

Bu cinsin akula dişləri və qaranlıq rəngli tükləri ilk baxışda qorxuducu görünə bilər. Amma əslində staffilərin olduqca mehriban və sahibinə sadiq itlər olduğu bildirilir.

Baytar həkim Keytlin Conson bildirir:

“Əgər evinizdə staffi varsa və ya bu cinsdən bir it almağı düşünürsünüzsə, onun gəmirə biləcəyi çoxlu maraqlı əşyalarınız olduğuna əmin olun. Əks halda ayaqqabınız və digər vacib əşyalarınız gözlənilmədən oyuncağa çevrilə bilər. Amma bu cinsin təbii sakit xasiyyəti onlara uzun müddət qəzəblənməyi mümkünsüz edir".

Bigl

Bigllar fitri ov itləridir və onların da dişləri akula dişlərini xatırladır. Lakin mütəxəssislər bildirir ki, onların dişlərindən qorxmağa dəyməz, çünki bigllar olduqca mehriban və dostcanlı balalardır.

Heyvanlar aləmi İtlər it cinsləri