İtin nə demək istədiyini davranışlarından necə anlayaq?

İtlər danışa bilməz, amma bədən dili, səs siqnalları və davranışları ilə bizimlə daim ünsiyyətdədirlər. Onların nə hiss etdiyini və bizə nə demək istədiklərini anlamamaq bəzən yanlış davranışlara, hətta aqressiyaya səbəb ola bilər.

Lent.az itin dillini anlamaq üçün bəzi məsləhətləri təqdim edir:

1. Quyruq – İtin əhvalının barometri
Yuxarı və sürətlə yellənən quyruq – sevinc, həyəcan. Yavaş və aşağıda yellənən quyruq – diqqətli müşahidə, narahatlıq. Ayaqların arasında sıxılmış quyruq – qorxu və ya təslim olmaq. Bərkiyib hərəkətsiz duran quyruq – yüksək diqqət və ya aqressiya əlaməti.

2. Gözlər və baxışlar
Gözlər yumşaq və açıqdırsa – sakitlik və inam. Gözlərini qırpmaq və ya yan baxmaq – təslimçilik, gərginlikdən qaçma cəhdi. Sərt və bir nöqtəyə sabit baxış – qoruma instinkti, təhlükə siqnalı ola bilər.

3. Qulaqların mövqeyi
Qulaqlar yuxarı və önə yönəlibsə – maraq və ayıqlıq. Qulaqlar yastılaşıb geriyə çəkilibsə – qorxu və ya təslim əlaməti. Qulaqlar aşağıda və sərbəstdirsə – rahatlıq və güvən hissi.

4. Bədən duruşu və hərəkət
Oturub qulaq asırsa və diqqətlə baxırsa – əmrlərə və ya maraqlı bir səsə fokuslanıb.

Arxa ayaqlarını bir qədər aşağı salıb “oyun pozası” alırsa – oynamaq istəyir.

Bədəni gərilib, önə doğru əyilibsə – qoruma və ya müdafiə davranışı göstərir.

5. Səslər və hürmələr
Qısa və yüksək tonlu hürmə – xəbərdarlıq və ya həyəcan.

Dərin və uzun hürmələr – narahatlıq və ya ərazi qoruma instinkti.

İncə iniltilər və mızıldanma – qorxu, ağrı və ya diqqət istəyi.

Ulama – tək qalmaq qorxusu, bəzən də səs siqnalına (ambulans səsi kimi) reaksiya.

6. Təkrarlanan davranışlar nə deyir?
Pəncəsini gəmirir və ya özünü çox yalayırsa – stress, darıxmaq və ya dəri problemi.

Dairəvi fırlanırsa və ya quyruğunu tutmağa çalışırsa – enerjini boşaltmaq ehtiyacı və ya psixoloji narahatlıq.

Evdə əşyaları dağıdırsa – enerji artıqlığı və ya diqqət istəyi.

İtin dilini başa düşməyin faydaları
Aranızdakı bağ güclənir, it daha çox güvən hiss edir. Səhv tərbiyə metodlarından qaçırsınız. Aqressiya, qorxu və digər problemli davranışların qarşısını vaxtında alırsınız. Gizli sağlamlıq problemlərini erkən hiss edə bilirsiniz

Nəticə: İtinizi dinləməyi öyrənin
İtlər bizimlə eyni dildə danışmasa da, onlar dərin emosiyalar və mesajlar ötürürlər. Onların “sözlərini” anlamaq üçün sadəcə diqqətlə baxmaq və sevgi ilə yanaşmaq kifayətdir.

Unutmayın: başa düşülən it – xoşbəxt itdir.

Heyvanlar Heyvanlar aləmi İtlər