“Neftçi” “Bakı”nı bütün medallardan məhrum etdi

Lent.az-ın məlumatına görə, flaqman XXVIII turda “Bakı”nı məğlubiyyətə uğradıb.

Hər iki qolu braziliyalı yarımmüdafiəçi Flavinyo vurub. O, 19-cu yarıda hesabı açıb, 54-cü dəqiqədə isə penaltini dəqiq yerinə yetirib.

Bu qələbə sayəsində xallarını 62-yə çatdıran “Neftçi” liderliyini daha da möhkəmləndirib. Hazırda flaqmanla ən yaxın izləyicisi “Xəzər Lənkəran” arasındakı xal fərqi 11-ə çatıb. Lakin “Xəzər Lənkəran”ın ehtiyatda saat 18:30-da AZAL-la keçirəcəyi oyunu var. “Bakı” isə Premyer Liqanın mükafatları ilə rəsmən vidalaşıb.