(R) Azərbaycan məhsulları MDB ölkələri arasında birincilik qazandı! - FOTO

21 Avqust 2012-ci il tarixində Belarusun paytaxtı Minsk şəhərində Müstəqil Dövlətlər Birliyini təşkilatının mənzil qərargahında ilin yekunlarına dair “2011-ci ildə MDB çərçivəsində Keyfiyyətli Məhsul və Xidmət sahəsində əldə olunmuş nailiyyətlər” müsabiqəsinin təltifetmə mərasimi keçirilib.

2011-ci ilin yekunlarına əsasən 6 şirkət laureat, 12 şirkət diplomant, 7 şirkət isə xüsusi diplomlara layiq görülüb.

“Milli istehlak mallarının istehsalı” sahəsi üzrə Azərbaycan Respublikasını təmsil edən Gilan Qəbələ Konserv Zavodu MMC qalib adını qazanıb. Gərgin rəqabət şəraitində keçən müsabiqədə məhz Azərbaycanı təmsil edən şirkətin birinciliyə layiq görülməsi sevindirici haldır.

Qeyd edək ki, 2011-ci ilin iyul ayında müəssisəyə baş çəkmiş müsabiqənin ekspert komissiyası ümumi zavodla və istehsal prosesi ilə tanış olub və apardıqları yoxlama nəticəsində müəssisədə işin yüksək səviyyədə təşkil olunmasını qeyd edib. Bunun nəticəsidir ki, Gilan Qəbələ Konserv Zavodu MDB məkanında çoxsaylı şirkətlər arasında ciddi rəqabətə baxmayaraq müsabiqədə iştirak etdiyi sahə üzrə birinciliyə layiq görülüb.