Daha 2 rayonda torpaqlar satışa çıxarılacaq
07 avqust 2009 19:00 (UTC +04:00)

Daha 2 rayonda torpaqlar satışa çıxarılacaq

Bərdə və Salyanda satışa çıxarılacaq torpaqlar fərdi mənzil tikintisi üçün nəzərdə tutulub

Avqustun ortalarında Azərbaycanın 2 rayonunda növbəti torpaq hərracı keçiriləcək. Hərraclardan birinin Salyanda, digərinin isə Bərdədə keçirilməsi nəzərdə tutulur.

Dövlət Torpaq və Xəritəçəkmə Komitəsindən Lent.az-a bildiriblər ki, avqustun 14-də Salyan rayonunun Aşağı Noxudlu bələdiyyəsinə məxsus 0,026 ha torpaq hərraca çıxarılacaq. Həmin gün Bərdədə Yeni Daşkənd bələdiyyəsinə məxsus 0,08 hektar torpaq sahəsi də müsabiqə yolu ilə sahibini tapacaq.

Komitədə deyirlər ki, hər iki rayonda satışa çıxarılacaq torpaq sahələri fərdi mənzil tikintisi üçün nəzərdə tutulub. Bu rayonlarda hərrac və müsabiqənin keçirilməsi üçün bildirişlər isə ötən ayın əvvəlindən elan olunub. Hazırda müsabiqə və hərracı keçirəcək komissiyalar yerlərdə təşkilati tədbirləri başa çatdırıb. Həmçinin hərrac və müsabiqənin keçirilməsi qaydaları barədə hər iki rayonda yerli əhali arasında məlumatlandırma işləri aparılıb.

Elxan SALAHOV
# 611

Oxşar yazılar