Abromoviç bir nahar üçün 52 min dollar hesab ödədi

İş adamı və sevgilisi dostlarına qonaqlıq veriblər
Dünyaya göz açandan 18 ay sonra anasını, 3 yaşında atasını itirən, yetimxanalarda yoxsulluq içərisində böyüyən, Moskva küçələrində uşaq oyuncaqları satan, ancaq hüquq fakültəsini bitirib 26 yaşında iş adamı olan və qısa müddətdə yüksələn Roman Abromoviç indi başqa məziyyətləriylə insanları təəccübləndirməyə davam edir.

Lent.az-ın “internethaber.com” saytına istinadən verdiyi məlumata görə, hazırda 7 milyard dollar sərvətiylə dünyanın 51-ci ən varlı adamı olan Roman Abromoviç Nyu-Yorkda sevgilisi Daria Zukova və dostları ilə birlikdə nahar etmək üçün bu günlərdə “Nello” restoranına yollanıb.

Roman Abromoviç bu nahar üçün ən az, nə çox, 47 min 221 dollar hesab ödəyib. Xidmətçilərə verdiyi bəxşişlər də üstünə gəlinərsə, bu nahar ona 52 min dollara başa gəlib.

Nyu-Yorkun ən bahalı restoranları sırasında yer alan “Nello”da 10 nəfər üçün sifariş verən Roman Abromoviç dostları ilə birgə 2 şüşə “Petrus” (10 min dollar), 3 şüşə “Romanee Conti” (15 min dollar), 2 şüşə “Cristal Rose” (10 min dollar) şərabı içiblər. Eyni zamanda ət yeməyi olaraq fileminyon yeyib, bəyaz şokoladlı tort dadıblar.