Alimlər nəsli kəsilmiş quşu geri qaytarmağa çalışır

ABŞ-ın “Colossal Biosciences” şirkəti XVII əsrdə nəsli kəsilmiş dodo quşunun bəzi xüsusiyyətlərini bərpa etmək istiqamətində irəliləyiş əldə etdiyini açıqlayıb.

Lent.az xəbər verir ki, şirkət süni intellekt vasitəsilə quşun baş və üz quruluşuna xas əlamətlərlə əlaqəli genetik dəyişiklikləri müəyyənləşdirməyə çalışır.

Plan dodo quşunun ən yaxın yaşayan qohumlarından sayılan Nikobar göyərçinindən istifadə etməklə genetik redaktə aparmaqdır.

Bununla belə, dodo növünün tam şəkildə geri qaytarıldığı barədə söhbət getmir.