Fransanın qalmaqallı keçmiş prezidentinin üç fərqli qadından dörd uşağı var.
Bu gün Nikola Sarkozi 2007-ci il seçki kampaniyasını maliyyələşdirdiyi iddiası ilə 5 il həbs cəzasını çəkmək üçün həbsxanaya gedib.
Lent.az-ın xarici mediaya istinadla xəbərinə görə, onun həbsxanaya gedişində hazırkı həyat yoldaşı Karla Bruni və bütün uşaqları iştirak ediblər.
Xüsusilə, paparassilərin hədəfinə qızı Culiya və üç oğlu - Lui, Pyer və Jan düşüb.
Culiya Sarkozi
Qızın 13 yaşı var, anası isə Karla Brunidir. O, aktiv atçılıq və kosmetika həvəskarıdır. Culiya həmçinin TikTok bloqunu idarə edir, onun izləyiciləri sürətlə çoxalır. Valideynləri nadir hallarda Culiyanı ictimaiyyətə göstərir və ya onun həyatı haqqında danışırlar.
Pyer Sarkozi
O, keçmiş prezidentin Mari-Dominik Kyuloli ilə evliliyindən doğulan ilk övladıdır. Pyer indi 41 yaşındadır və Mosey ləqəbi ilə tanınır. Fransada o, hip-hop prodüseri və bəstəkarı kimi tanınır.
Jan Sarkozi
Sarkozinin Mari-Dominik Kyuloli ilə evliliyindən ikinci övladıdər. Janın 39 yaşı var və atası kimi siyasətə gəlib.
Lui Sarkozi
Siyasətçinin Sesiliya Attias ilə evliliyindən doğulan üçüncü oğlu o, müxtəlif vəzifələrdə, o cümlədən bankçılıq, biznes və yazıçılıq sahəsində çalışıb. O, qısa müddət Fransa səfirliyində də çalışıb. Lui Donald Trampın andiçmə mərasimində iştirak edib və ifrat sağçı fikirləri ilə tanınır.
Nikola Sarkozi həbs cəzası alan ilk Fransa prezidentidir. O, cəzasını La-Sante həbsxanasında 11 metr uzunluğundakı təkadamlıq kamerada çəkəcək.
Bizi Telegram-da izləyin
t.me/lent_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
