Bu insanlar ŞƏRAB İÇMƏMƏLİDİR

Şərab hər kəsin orqanizminin qəbul etdiyi içki deyil. Bəziləri üçün bu içki sağlamlığa olduqca ciddi təsir göstərə bilər. Həkimlər şərab içməməli olan insanların kateqoriyasını açıqlayıblar.

Lent.az xarici KİV-ə istinadən xəbər verir ki, bu barədə ekspert Kirsten Hikmanın danışıb.

Diabetli insanlar. Şəkərli diabetlə üzləşənlər üçün şərab içməyə şüurlu yanaşmaq vacibdir. Bu içki, xüsusilə acqarına istehlak edildikdə qan şəkərinin səviyyəsini əhəmiyyətli dərəcədə təsir edə bilər. Şərab istehlakı qan şəkərinizin səviyyəsinin aşağı düşməsinə və hətta ağır hipoqlikemiyaya səbəb ola bilər ki, bu da ekstremal hallarda diabetik komaya səbəb ola bilər.

Ağrı kəsici və ya sakitləşdirici dərman qəbul edən insanlar. Sakitləşdirici və analjezik təsiri olan dərmanlar beyin fəaliyyətini yavaşlatan depressantlardır. Alkoqol da öz növbəsində oxşar təsirə malikdir.

Disulfiram qəbul edən insanlar. Disulfiram xroniki alkoqolizmi müalicə etmək üçün istifadə olunur və şərabla birlikdə istehlak edildikdə ciddi fəsadlar yarada bilər. Bu dərmanı spirtlə birləşdirmək baş ağrısı, qusma, ürəkbulanma, zəiflik, tənəffüs və ürək döyüntüsünün dəyişməsinə gətirib çıxarır.

Astma olan insanlar. Az adam bilir, lakin astma xəstələri üçün bir və ya iki stəkan şərab belə simptomları artıra bilər. Astma xəstələri sulfitlərə qarşı həssaslıq səbəbindən şəraba mənfi reaksiya verir. Ona görə də rahat nəfəs almağa çalışanlar şərabdan çəkinməlidirlər.