Şəkərsiz içkilər   dişlərə hansı zərər verə bilər?
26 iyun 2022 19:32 (UTC +04:00)

Şəkərsiz içkilər dişlərə hansı zərər verə bilər?

Amerika Diş həkimləri assosiasiyasının yeni araşdırması göstərir ki, şəkərsiz içkilərin tərkibindəki turşular diş minasını aşındıra bilər.

Lent.az bildirir ki, “JADA Foundational Science” jurnalında dərc edilən araşdırma, turşulu içkilərin qəbulunu məhdudlaşdırmağın vacibliyi haqqında anlayışımızı genişləndirir.

Turşulu qidalar və içkilər dişlərinizi qoruyan minanı aşındıra bilər, bu prosesə diş eroziyası deyilir. Diş eroziyası geri dönməzdir və bakteriyaların kariyes və ya infeksiya inkişafına yol aça bilər. Ağ minanın köhnəlməsi, altında dentin adlanan sarı təbəqənin ortaya çıxması nəticəsində dişlərin rənginin dəyişməsinə də səbəb ola bilər.

Tədqiqatın bir hissəsi olaraq, hansının eroziyaya səbəb olduğunu öyrənmək üçün bu yaxınlarda çıxarılan insan dişləri 7 müxtəlif şəkərsiz içkidə (və müqayisə üçün bir şəkərli soda) isladılıb. Dişlər iyirmi dörd saat ərzində dözüblər ki, bu da tədqiqatçıların fikrincə, bu içkilərin bir illik təsirinə uyğundur.

Şəkər və şəkərsiz qazlı su ilə nəticələrini müqayisə edərkən məlum olub ki, hər iki içkinin tərkibindəki turşular diş minasının aşınmasına səbəb olur. Şirinləşdiricinin növü daha az əhəmiyyət kəsb edir, çünki içkinin tərkibindəki turşu minanı aşındırır.

Yeganə təhlükəsiz içkilərin isə şüşələrdəki qazsız və ətirsiz sular olduğu müəyyənləşdirilib.

# 1293
avatar

Oxşar yazılar