Xorultu ciddi problem hesab olunmasa da, yuxunun keyfiyyətini poza və zamanla orqanizmin zəifləməsinə səbəb ola bilər.
Lent.az bu 5 məhsulu təqdim edir:
Yer üzündə hər dörd nəfərdən biri xorultudan əziyyət çəkir və bəzi insanlar bunun fərqində belə olmur. Xorultu təkcə ətrafdakı insanların rahat yatmasına mane olmur, eyni zamanda xoruldayan şəxsin özünə də zərər verir. Bu hal yuxunun keyfiyyətini azaldır, ürək və tənəffüs sisteminə əlavə yük yaradır.
Əgər xorultu güclü və daimi xarakter daşıyırsa, həkimə müraciət etmək və onun tövsiyələrinə əməl etmək vacibdir. Bununla yanaşı, mütəxəssislər müəyyən ediblər ki, bəzi qida məhsulları yüngül hallarda xorultunun azalmasına, hətta tamamilə aradan qalxmasına kömək edə bilər. Yatmazdan az əvvəl bir qaşıq balı ilıq su ilə qəbul etmək xorultunun intensivliyini azalda bilər. Bal iltihabəleyhinə və mikrobəleyhinə xüsusiyyətlərə malikdir, boğazı yumşaldır və yuxunu daha sakit edir. Zərdəçal iltihabəleyhinə xüsusiyyətləri sayəsində tutulmuş burnu açmağa və boğazı yumşaltmağa kömək edir. Çox vaxt bu təsir xorultudan qurtulmaq üçün kifayət edir.
Bundan əlavə, zərdəçal qan dövranını yaxşılaşdırır ki, bu da xorultuya müsbət təsir göstərir. Bu ədviyyatı ilıq südə əlavə edib yatmazdan əvvəl içmək tövsiyə olunur. Zəncəfilin tərkibində maqnezium, kalium və sink var. Bu maddələr qan dövranını yaxşılaşdırır və ürəyin fəaliyyətinə müsbət təsir edir. Zəncəfilin qəbulu əzələləri rahatladır, bu da yorğunluğun və xorultunun azalmasına kömək edir.
Soğan antioksidant xüsusiyyətlərə malikdir. O, burun və boğazı təmizləyir, orqanizmdə göbələklərin məhv edilməsinə kömək edir və burun yollarını açır. Almaların gündəlik qəbulu da xorultunu yüngülləşdirə bilər. Kaliumla zəngin olan alma sinir sisteminin fəaliyyətini yaxşılaşdırır və qan damarlarını möhkəmləndirir.
Bizi Telegram-da izləyin
t.me/lent_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
