Prezident Administrasiyasının əməkdaşına fəxri ad verildi

Prezident İlham Əliyev “Əməkdar dövlət qulluqçusu” fəxri adının verilməsi haqqında sərəncam imzalayıb. Lent.az AzərTAc-a istinadən xəbər verir ki, dövlət başçısının imzaladığı sərəncamla Azərbaycan Respublikasında dövlət qulluğunda uzunmüddətli səmərəli fəaliyyətinə görə Gülnar Akif qızı Rəsulovaya “Əməkdar dövlət qulluqçusu” fəxri adı verilib.

Qeyd edək ki, G.Rəsulova Prezident Administrasiyasının Hüquq-mühafizə orqanları ilə iş şöbəsi müdirinin müavini vəzifəsində çalışır.