“Neft mütəxəssislərinə böyük ehtiyac yaranacaq”

“Hazırda Azərbaycan Respublikası Dövlət Neft Şirkəti (ARDNŞ) həm ölkə daxilində, həm xaricində böyük investisiya layihələri həyata keçirir, müasir neft-qaz kompleksləri tikir. Belə layihələrin həyata keçirilməsi üçün yüksək ixtisaslı, ingilis dilini bilən mühəndis kadrlara böyük ehtiyac yaranacaq”.

Lent.az-ın xəbərinə görə, bunu jurnalistlərə açıqlamasında Bakı Ali Neft Məktəbinin rektoru Elmar Qasımov bildirib. Onun sözlərinə görə, artıq Bakı Ali Neft Məktəbi ARDNŞ-nin qarşıya qoyduğu tələblərə uyğun olaraq kadr hazırlığına başlayıb: “Hazırda həm Azərbaycanda, həm də xaricdə mühəndislik ixtisaslarına böyük ehtiyac var. Hansı ölkədə mühəndislik ixtisasları yüksək sürətlə inkişaf edirsə, o ölkənin iqtisadiyyatı da inkişaf edir”.

Anar