Təhsil naziri məktəbdaxili qiymətləndirmədən danışdı

“Məktəbdaxili qiymətləndirməni həyata keçirmək üçün işçi qrupunun yaradılması zəruridir”. Təhsil Nazirliyinin mətbuat xidmətindən Lent.az-a verilən məlumata görə, bunu nazirlikdə “Məktəbdaxili qiymətləndirmə: problemlər və qarşıda duran vəzifələr” mövzusunda keçirilən müşavirədə təhsil naziri Misir Mərdanov bildirib. Nazir vurğulayıb ki, Azərbaycanın ümumtəhsil məktəblərində artıq 5-ci ildir ki, tədrisin yeni fənn kurikulumları üzrə aparılır. “Yeni fənn kurikulumlarının tətbiqində məktəbdaxili qiymətləndirmə çox önəmlidir” - deyə, M. Mərdanov əlavə edib.

Təhsil naziri onu da vurğulayıb ki, kurikulum islahatının uğurla davam etdirilməsi bu qiymətləndirmənin müvafiq qaydalara uyğun olaraq aparılması ilə sıx bağlıdır.