Səbinə Əvəzqızı
20 iyul 2022 14:31 (UTC +04:00)

Səbinə Əvəzqızı

Qeyrətini hovuzdakı qadınların arasında axtaran "MOLLABAŞLAR"

Gözəlim Azərbaycanı nə günə salmaq istəyirlər bu mollabaşlar? Ciddi sualdır, ciddi problemdir, qarşısı təcili alınmasa əməlli başlı təhlükədir millətim, dövlətim üçün.

Nabranda özünü qeyrət dağarcığı sayan biri gedib istirahət mərkəzlərində başlayıb çimərlik geyimində olan qadınların orasını-burasını çəkməyə.

Sonra çəkdiklərini yükləyir “TikTok”-a. Özü də canlı yayım açaraq. Hələ üstəlik millətin kişilərinə sual verir - “Hansınızın bacısıdır, deyin çəkməyim. Qeyrət çəkənlər hanı?” Hansı HƏDDLƏ? Kim ona verib bu ixtiyarı? Qeyrət nədir onu bilirmi heç olmasa görən?

Sir-sifətindən də neqativlik yağan bu varlıq özünü elə qeyrətli hesab edir? Çimərlik geyimində qadın görən kimi hansı eyforiyaya qapıldığı açıqca görsənir. Hormonlar coşanda özünü normal aparmaq hər adamın hünəri deyil.

Qeyrətli çıxmısan? Qeyrəti göstərmək üçün meydanlar ayrı yerdədir axı. Bunun üçün sənə Qarabağ savaşı kimi bir imkan verilmişdi. Nə əcəb gedib şəhid olmamısan? Müharibədə güllə yağışı altında qalmaqla, Nabranda hovuz kənarında qadınların arasında olmağı səhvmi saldın? Bəlkə də indi o qəhrəmanların yaxını olan qadınları tərs köşədən çəkib təhqir etməyə nə ixtiyarın var? Həmin qadınlar heç bir namussuzluq, tərbiyəsizlik etməyiblər. Ən böyük tərbiyəsiz onların normal istirahətini pozan, qeyrətsizlik kimi cəmiyyətə sırımaq istəyən bu MOLLABAŞLARDI.

Bir azdan bu hadisə evinə, dərsinə, işinə gedən hər bir Azərbaycan xanımının başına gələ bilər. Bunun qarşısı alınmasa, insanlar xanımlarını evdən bayıra çıxarmağa qorxacaqlar. Bizi geri çəkmək, hansısa bir rejimin gününə salmaq istəyən o qədər düşmənimiz var ki... Özü də çox uzaqda deyillər. Əlləri gəlib mənim istirahət etməyə çalışan anama, bacıma, övladıma kimi çatır. Onları istirahətə göndərdiyi üçün millətimin kişilərini qeyrətsiz yerinə qoyur. Bu böyük təhlükədir.

Ümid edirəm, adiyyatı orqanlar bu gəncə etdiyi səhvləri layiqincə izah edə biləcəklər. Nə olar qanmaz olanda? Qanmazı qandırarlar da.

 

# 13311
avatar

Səbinə Əvəzqızı

Oxşar yazılar

“Azercell”in dəstəyi ilə idarə olunan “Qadın Qaynar Xətti”nin rəsmi təqdimatı oldu®

“Azercell”in dəstəyi ilə idarə olunan “Qadın Qaynar Xətti”nin rəsmi təqdimatı oldu®

8 dekabr 2022 , 18:39
Həftə sonu üçün  HAVA PROQNOZU

Həftə sonu üçün HAVA PROQNOZU

8 dekabr 2022 , 17:56
Azərbaycanda maska cərimələri ləğv olunacaq? - CAVAB

Azərbaycanda maska cərimələri ləğv olunacaq? - CAVAB

8 dekabr 2022 , 16:02
İldırım 900-dan çox  adamı öldürdü

İldırım 900-dan çox adamı öldürdü

8 dekabr 2022 , 15:31
Sabah bu rayonlara gedənlərə XƏBƏRDARLIQ:  Yollar buz bağlayacaq

Sabah bu rayonlara gedənlərə XƏBƏRDARLIQ: Yollar buz bağlayacaq

8 dekabr 2022 , 14:11
Sabah hava  çiskinli olacaq   - PROQNOZ

Sabah hava çiskinli olacaq - PROQNOZ

8 dekabr 2022 , 12:09
3 rayon susuz qaldı - SƏBƏB

3 rayon susuz qaldı - SƏBƏB

8 dekabr 2022 , 09:56
Qeyri-sabit hava şəraiti  nə qədər davam edəcək?   - AÇIQLAMA

Qeyri-sabit hava şəraiti nə qədər davam edəcək? - AÇIQLAMA

7 dekabr 2022 , 13:45