Növbəti ildən yaradıcılıq ixtisasları (teatrşünaslıq, aktyor sənəti, rejissorluq, heykəltəraşlıq, rəssamlıq, musiqi və.s) üzrə magistratura təhsilində dəyişikliklər olacaq.
Lent.az-ın məlumatına görə, bunu Təhsil Nazirliyinin Elm, ali və orta ixtisas təhsil şöbəsinin sektor müdiri Sülhəddin Gözəlov deyib.
S.Gözəlov bildirib ki, bu ixtisaslar üzrə tələbələr 2 il deyil, 1 il yarım təhsil alacaq: “ Və onlara təhsilini bitirdikdən sonra elmi-ixtisas deyil, ixtisas dərəcəsi veriləcək. Çünki bu ixtisaslar üzrə hansısa elmi-araşdırma, elmi-tədqiqat aparmağa ehtiyac yoxdur”.
S.Gözəlov əlavə edib ki, sadəcə ixtisas dərəcəsi alacaq tələbələrə ali təhsilin növbəti səviyyəsinə getməyə icazə verilməyəcək: “ Yəni elmi ixtisas dərəcəsi alan tələbə elmi-tədqiqat işi aparıb hansısa dissertasiyanı müdafiə edə biləcək, amma ixtisas dərəcəsi alan tələbə bunu edə bilməyəcək”.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
