Tvitter-in 2022-ci ilin dekabrında gəliri reklamçılar əməkdaşlıqdan imtina etdikdən sonra təxminən 40 faiz azalıb.
Lent.az xarici mediaya istinadla bildirir ki, ötən ilin eyni dövrü ilə müqayisədə gəlir və xalis mənfəətin azalmasından Tvitter-in liderliyindəki investorların xəbəri olub. 2022-ci ilin oktyabrında Tesla və SpaceX-in rəhbəri İlon Mask şirkəti satın aldıqdan sonra Tvitter özəl şirkətlər kateqoriyasına keçib və artıq maliyyə hesabatlarını dərc etmir.
Noyabr ayında Financial Times xəbər vermişdi ki, bir çox böyük reklamçılar iş adamı İlon Maskın aldığı şirkətlə bağlı hərəkətlərinin gözlənilməzliyi səbəbindən Tvitter-də reklamları müvəqqəti dayandırdıqlarını elan ediblər.
Yanvarda bildirilirdi ki, Tvitter sosial şəbəkəsinin rəhbərliyi brendlərin platformadan çıxması fonunda şirkətlərə pulsuz reklam təklif edir. Məlumata görə, şirkət reklamçılara 250.000 dollara qədər reklam xərclərinin ödənilməsini təklif etməyə başlayıb.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
