Türkiyə Ordusunun İraqda əməliyyatlarına imkan verən qətnamənin müddəti uzadılır

Türkiyə Silahlı Qüvvələrinin ölkə sərhədlərindən kənarda hərbi əməliyyatlar həyata keçirməsini nəzərdə tutan qətnamənin müddətinin daha bir il uzadılmasını nəzərdə tutan qətnamə layihəsi Böyük Millət Məclisinə təqdim edilib.

Lent.az-ın “trt.net.tr” saytının Azərbaycan versiyasına istinadən verdiyi məlumata görə, layihədə İrqanın şimalında məskən salan PKK terror təşkilatından qaynaqlanan, türk xalqının əmin-amanlığı və təhlükəsizliyinə, milli birliyinə və ərazi bütövlüyünə yönələn terror təhdidinin davam etdiyi bildirilib.
Yeni qətnamə ilə hökumətə verilən səlahiyyət müddəti 17 oktyabrdan etibarən 1 il uzadılacaq. Sənəd oktyabrın 12-də parlamentin müzakirəsinə çıxarılacaq.