Atanın zorladığı qızından 10 uşağı olub

Argentinanın dağlıq Nicanor Molinas qəsəbəsində qızına 13 yaşından bəri təcavüz edən 62 yaşlı bir kişi məhkəmə qarşına çıxarılıb.

Lent.az-ın CNN-ə istinadən verdiyi məlumata görə, bədnam atanın qızından 10 uşağı var. Məhkəmə prosesinə sədrlik edən hakim Virgilio Palud deyib ki, həmin kişi əməllərini inkar edib, ancaq DNT testi zamanı fakt təsdiqini tapıb. Argentinanı şoka salan bu bədnam atanı 20 ilə qədər azadlıqdan məhrumetmə cəzası gözləyir. Hakim bu olayın Avstriyada öz qızına 24 il təcavüz edən və ondan dünyaya gələn 7 uşaqdan birini öldürən Jozef Fritzl olayından daha betər olduğunu söyləyib.

13 yaşından bəri atasının təcavüzünə məruz qalan, hazırda 43 yaşı olan qadının adı açıqlanmayıb. Atasının cinsi təcavüzü nəticəsində qadının dünyaya gətirdiyi 10 uşaqdan 1-i ölüb. Hazırda yaşayan uşaqlardan ən böyüyünün 27 yaşı, ən kiçiyinin 7 yaşı var. Yalnız ən böyük uşaq atasının babası olduğunu bilir.

Atasının cinsi zorakılığı ilə üzləşən xanım deyib ki, üzləşdiyi vəziyyətlə bağlı polisə müraciət etmək istəyib, ancaq atası onu təhdid edib. O, atasının heyvan oğurluğu ilə bağlı saxlanılmasından sonra polisə müraciət etmək şansının yarandığını bildirib.

Məhkəmə prosesinlə məlum olub ki, ata digər qızına da bir neçə dəfə təcavüz edib. Atasından hamilə qalan həmin qız uşağı əməliyyatla aldırıb və evdən qaçıb. Hakim bu dağlıq bölgədə belə hallara tez-tez rast gəlindiyini də etiraf edib.