ABŞ Silahlı Qüvvələri İrana qarşı genişmiqyaslı maksimum təzyiq kampaniyası çərçivəsində ölkənin dəniz yolu ilə kommersiya məqsədli ixrac və idxalını faktiki olaraq tamamilə blokadaya alıb. Yalnız əvvəlcədən razılaşdırılmış humanitar yüklərin daşınmasına icazə verilir.
Lent.az xarici mediaya istinadən xəbər verir ki, bu barədə ABŞ Silahlı Qüvvələrinin Mərkəzi Komandanlığının (CENTCOM) rəhbəri, admiral Bred Kuper rəsmi açıqlama verib.
CENTCOM rəhbərinin sözlərinə görə, ABŞ qüvvələri və onların müttəfiqləri İranın ümumilikdə ən azı 25 milyard dollar dəyərində xam neft ixrac etməsinin qarşısını alıblar.
Bundan əlavə, ABŞ-ın müxtəlif dövlət qurumları hərbçilərin dəstəyi ilə təxminən 350 milyon dollar dəyərində kriptovalyuta aktivlərini dondurublar. Bildirilir ki, bu tədbirlər Tehranın silah ehtiyatlarını bərpa etmək və İslam İnqilabı Keşikçiləri Korpusunun (SEPAH) fəaliyyətini maliyyələşdirmək imkanlarını məhdudlaşdırmaq məqsədi daşıyır.
ABŞ hərbi komandanlığı vurğulayıb ki, maliyyə resurslarının azalması Yaxın Şərqdə İranın dəstəklədiyi silahlı birləşmələrin üzvlərinə ödənişlərin gecikməsinə səbəb olub.
Vaşinqton İranın gizli fəaliyyət göstərən tanker donanmasının qarşısını tamamilə almaq üçün Fars körfəzi və Oman körfəzi akvatoriyalarında dəniz nəzarətini davam etdirmək niyyətində olduğunu açıqlayıb.
Bizi Telegram-da izləyin
t.me/lent_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
