Şahzadəyə ərə gedən maneken seks köləsi oldu

Malayziyalı şahzadə ilə evlənən indoneziyalı manekenin həyatı kabusa dönüb.

Lent.az-ın məlumatına görə, 17 yaşlı maneken-model Odelia Pino Malayziyanın Kelaten əyalətinin şahzadəsi Məhəmməd Fəxri ilə ötən il ailə qurub. Təzə gəlin bir müddət sonra işgəncələrə məruz qalıb. Nəticədə zorla aparıldığı Sinqapur tətili zamanı qaçaraq, polisə sığınıb. Pino dünən ölkəsinə göndərilib.

“Mənə işgəncə verdilər, seksual və fiziki zorakılığa məruz qaldım, seks köləsi oldum. Bədənim hər yeri ülgüclə kəsik-kəsikdir. Məni apardıqları tədbirlərdə “xoşbəxt qadın” rolunu oynamağa məcbur edirdilər”, - deyə model bildirib.

Manekenin anası Daisi Fajarina Malayziyanı məhkəməyə verəcəklərini söyləyib. Şahzadə və onun ailəsi isə hələlik iddialara münasibət bildirmir.

Bu hadisənin Asiyanın iki ölkəsi arasında diplomatik gərginliyə səbəb olacağı deyilir.