“Böyük səkkizliyin” liderləri interneti müzakirə edəcəklər

Lent.az-ın Rabitə və İnformasiya Texnologiyaları Nazirliyinin rəsmi saytına istinadən verdiyi məlumata görə, ilk dəfədir ki, internetin cəmiyyətdə rolu və kibertəhlükəsizliklə mübarizə sammitin ən mühüm mövzuları sırasına daxil edilib.

Böyük Britaniya, Almaniya, İtaliya, Kanada, Rusiya, ABŞ, Fransa və Yaponiya liderləri Qlobal Şəbəkənin tənzimlənmə məsələsinin baxılmasına xüsusi diqqət yetirəcəklər. Sammitin gündəliyində həmçinin Yaxın Şərq və Şimali Amerikada baş verən son hadisələr, eləcə də nüvə təhlükəsizliyi və terrorizm məsələləri durur.