Kirayə qaldığımız evdə qazdan boğulsaq, ev sahibindən təzminat ala bilərik? - CAVAB

Lent.az-ın "Bir sual, bir cavab" rubrikasında budəfəki mövzusu kirayəçinin qaldığı evdə sağlamlığına zərər dəyərsə, ev sahibindən təzminat alması məsələsi ilə bağlıdır.

Kirayə qaldığımız evdə sağlamlığımıza zərər dəysə, qazdan boğulsaq, ev sahibindən təzminat ala bilərik?

Lent.az xəbər verir ki, Mülki Məcəllənin 676-cı maddəsinə əsasən, yaşayış otağı və ya istifadəyə verilən otaqlar həmişə elə vəziyyətdə olmalıdır ki, onlar kirayəçinin sağlamlığına və ya həyatına təhlükə törətməsin.

Əgər ekspertiza tərəfindən qaz avadanlığının nasazlığı aşkar olunubsa, bu zaman kirayəçi öhdəliyin icra edilməməsi nəticəsində dəyən ziyanın əvəzinin ödənilməsini tələb edə bilər.