Bakıda tank əleyhinə mina tapıldı

Avqustun 7-də axşam saatlarında Bakı şəhərinin Binəqədi rayonunda hərbi sursata oxşar şübhəli əşyanın olması barədə Fövqəladə Hallar Nazirliyinin “112” qaynar telefon xəttinə məlumat daxil olub. Lent.az-ın nazirliyin saytına istinadən verdiyi məlumata görə, xilasetmə qüvvələri və mütəxəssislər zəruri tədbirlərin görülməsi üçün hadisə yerinə cəlb edilib, şübhəli əşyaya baxış keçirilib.

Müəyyən olunub ki, bu, “TM-62M” markalı tank əleyhinə təlim minasıdır. Aşkarlanmış sursat aidiyyəti üzrə təhvil verilib. Əraziyə baxış keçirilib və digər şübhəli əşya aşkar edilməyib.