29 yaşlı oğlanın meyiti tapıldı

Sentyabrın 1-də Yuxarı Qarabağ kanalında Ağcabədi rayonunda keçən hissəsində batmış şəxsin meyiti tapılıb. Lent.az-ın Fövqəladə Hallar Nazirliyinin saytına istinadən verdiyi məlumata görə, ən yaxın xilasetmə məntəqəsindən 130 km aralıda batmış 1983-cü il təvəllüdlü Məhərrəm İsa oğlu Əliyevin axtarışları başa çatıb.

M. Əliyevin cəsədi Fövqəladə Hallar Nazirliyinin dalğıc-xilasediciləri tərəfindən batdığı yerdən, təxminən, 700-800 m aralıda tapılaraq sudan çıxarılıb. Meyit təhvil verilib.