Bakıda fermada 3 min toyuq yandı

Martın 25-də Bakıda yanğın hadisəsi baş verib. Suraxanı rayon Polis İdarəsindən Lent.az-a verilən məlumata görə, Hövsan qəsəbəsində yerləşən paytaxt sakini Asəf Nadirova məxsus broyler təsərrüfatında yanğın olub.

Yanğın quşçuluq fermasının dam örtüyünü əhatə edib və 250 kvadrat metr ərazi tamamilə kül olub. Nəticədə təsərrüfatda saxlanılan 3000 toyuq da yanaraq tələf olub.

Hadisənin səbəbləri araşdırılır.

Nizam Rza