Moskvada azərbaycanlı məhkum vəfat edib

Lent.az-ın “Baltİnfo”-ya istinadən verdiyi məlumata görə, Azərbaycan vətəndaşı, 44 yaşlı şəxs 2009-cu ildə mütəşəkkil narkotik vasitə ticarəti ilə bağlı saxlanılıb. O, Moskvanın “Matrosskaya tşina” istintaq təcridxanasında şəkər xəstəliyindən vəfat edib. Dünən səhər saatlarında o, təcridxananın xəstəxanasına yerləşdirilsə də, həkimlər onun həyatını xilas edə bilməyiblər.
Azərbaycan vətəndaşı indiyə qədər səhhətindəki problemə görə sərt rejimli cəzaçəkmə müəssisəsinə yerləşdirilməyib. Onun ölümü ilə bağlı araşdırma aparılır.