Hindustanın Maharaştra ştatında gəlin gizli sevgilisinin köməyi ilə kürəkənini öldürüb.
Lent.az-ın xarici mediaya istinadən verdiyi məlumata görə, Punadan olan 20 yaşlı Siya Qoyal və 26 yaşlı nişanlısı Ketan Aqarval 1000 metr yüksəklikdə yerləşən qədim dağ qalası olan məşhur Dəmir qalaya gediblər. Bir az sonra Siya nişanlısının fotoşəkil çəkərkən uçurumdan yıxıldığını bildirib. Aqarval üç saat sonra tapılıb; onu xilas etmək mümkün olmayıb.
Gəncin atası Qoyalın hadisəyə reaksiya vermədiyini görüb və onun qəzada iştirakından şübhələnib. Polis araşdırmaya başlayıb. Məlum olub ki, gənc cütlük fevral ayında nişanlanıb və evliliyi valideynləri təşkil edib. Qoyal Aqarvalla evlənmək istəməyib. Həmçinin məlum olub ki, onun 22 yaşlı Çetan Çoudhari adlı gizli sevgilisi var.
O, Qoyal ilə birlikdə saxlanılıb və cinayətdə ittiham olunub. Müstəntiqlərin sözlərinə görə, Çoudhari qalanın yaxınlığındakı bir təpədə qızı və nişanlısını gözləyib. Daha sonra sevgililər Aqarvala hücum edərək onu kənara itələyiblər.
Dindirilmə zamanı şübhəlilər günahı başqasının üstünə atmağa başlayıblar. Çoudhari iddia edir ki, o, sadəcə Qoyalla qaçmaq istəyib, amma Qoyal zorakılıqda israr edib. Qoyalın sözlərinə görə, Aqarvaldan yaxa qurtarmaq istəyən və onu kənara itələyən Çoudhari olub.
Buna baxmayaraq, polis cinayətin sui-qəsd yolu ilə törədildiyinə əmindir. Xüsusilə, müstəntiqlər Qoyal və Çoudharinin yanvar ayından bəri bir-birlərinə 2004 dəfə zəng etdiklərini, ümumilikdə 238 saat ünsiyyət qurduqlarını və Aqarvala hücumdan bir gün əvvəl gizlicə bir kafedə görüşdüklərini müəyyən ediblər. Məhkəmə polisə araşdırma aparmaq üçün bir həftə vaxt verib və nəticələrin iyunun 29-da açıqlanması gözlənilir.
Bizi Telegram-da izləyin
t.me/lent_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
