Gədəbəydə AĞIR QƏZA: 2 ölü, 2 yaralı var - YENİLƏNİB

Gədəbəydə baş verən qəzada ölən və xəsarət alanların adları məlum olub.

Lent.az xəbər verir ki, qəza zamanı ölənlər rayonun Maarif kənd sakinləri 1981-ci il təvəllüdlü R. Bağırova və 2022-ci il təvəllüdlü U. Həsənovdur.

Xəsarət alanlar isə "VAZ-2104"ün sürücü 1981-ci il təvəllüdlü R. Həsənəliyev və “NİVA”nın sürücü 2006-cı il təvəllüdlü R. Şirinovdur.

Xəsarət alanlardan R. Həsənəliyevin vəziyyətinin ağır olduğu bildirilir. (APA)

***

01:15

Gədəbəy rayonunda ölümə səbəb olan ağır yol-nəqliyyat hadisəsi baş verib.

Lent.az APA-ya istinadən xəbər verir ki, rayon ərazisində hərəkətdə olan iki VAZ markalı minik avtomobili toqquşub.

Qəza nəticəsində 2 nəfər həyatını itirib, 1 nəfər isə xəsarət alıb.

Hadisə yerinə polis əməkdaşları cəlb olunub. Ölənlərin və yaralananın şəxsiyyəti dəqiqləşdirilir.