Futbol üzrə Topaz Premyer Liqasında III turun oyun proqramı açıqlanıb. Lent.az-ın Peşəkar Futbol Liqasının rəsmi saytına istinadən verdiyi məlumata görə, qarşıdakı tur 3 gün davam edəcək.
Əvvəlcə çempion “Neftçi” “Simurq”u qəbul edəcək. Avqustun 17-də keçiriləcək qarşılaşma “Bakcell Arena”da saat 21:00-da baş tutacaq. Ertəsi gün eyni arenada “Qarabağ” “Xəzər Lənkəran”ı sınağa çəkəcək. Ağdam klubunun bu dəfə Tofiq Bəhramov adına Respublika stadionundan yararlanmamasının səbəbi var. Almaniya “Ayntraxt”ı ilə avqustun 15-də nəzərdə tutulan ev oyunu mərkəzi arenada baş tutacaq. Respublika stadionunun ot örtüyünün qorunması məqsədilə “Qarabağ” rəhbərliyi “Xəzər Lənkəran”ı digər arenada qəbul etməyə qərar verib.
Tura isə bazar ertəsi 2 oyunla yekun vurulacaq:
17 avqust (şənbə)
21:00. “Neftçi” (Bakı) – “Simurq” (Zaqatala)
Bakı, “Bakcell Arena”
18 avqust (bazar)
20:00. “Qarabağ” (Ağdam) – “Xəzər Lənkəran”
Bakı, “Bakcell Arena”
19:00. “İnter” (Bakı) – AZAL (Bakı)
Bakı, “Şəfa” stadionu
19 avqust (bazar ertəsi)
18:00. “Sumqayıt” – “Qəbələ”
M.Hüseynzadə adına Sumqayıt şəhər stadionu
18:00. “Bakı” – “Rəvan” (Bakı)
“Bakı” klubunun təlim-məşq bazasının stadionu.
Bizi Telegram-da izləyin
t.me/lent_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
