![[b]"Rabitə işi"ndə təqsirləndirilən şəxslərin əmlaklarına qoyulmuş həbs götürüldü[/b]](https://www.lent.az/site/assets/images/breaking-news/lentaz.png)
Dünən Bakı Apellyasiya Məhkəməsində "Rabitə işi" üzrə çıxarılan qərarda təqsirləndirilən şəxslərin əmlaklarının bəzilərin üzərindən həbs götürülüb.
Bu barədə Lent.az-a dünən azadlığa çıxmış BTRİB-in baş mühasibi Anar Mustafayevin vəkili Gülşən Salmanova məlumat verib.
Vəkil qeyd edib ki, məhkəmənin qərarında təqsirləndirilən şəxslərin hamısının 2009-cu ilə qədər əldə olunan əmlaklarının üzərindən həbs götürülüb və müsadirə dayandırılıb: "İttiham 2009-2015-ci illəri əhatə edir. İttihamdan qabaq əldə olunan əmlakların üzərindən həbs qərarı götürülüb".
Xatırladaq ki, dünən Bakı Apellyasiya Məhkəməsində hakim Qədim Babayevin sədrliyi ilə keçirilən prosesdə Vidadi Zeynalovun cəzası 4 ilə, Beytulla Hüseynovun cəzası isə 7 il 6 aya endirilib. Digər həbsdə olan Namazalı Məmmədov, Anar Mustafayev, Emin Məmmədov və Qəmbər Bəybalayev barəsində şərti cəza verilərək məhkəmədən azadlığa buraxılıblar.
Bizi Telegram-da izləyin
t.me/lent_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
