Müsavat başqanının həbsdəki müavini Tofiq Yaqublu qızı Nərgiz Yaqublunun vaxtsız vəfatı ilə əlaqədar 7 günlüyə azadlığa buraxılacaq. Vicdan məhbusunun yaxın saatlarda azad olunacağı gözlənilir.
Bu barədə musavat.com-a vəkil Nemət Kərimli məlumat verdi: “Məsələ artıq həll olunub. Sənədləşmə işi aparılır. Bir saata kimi, Tofiq Yaqublu 7 günlüyünə azad olunacaq. Göstəriş verilib. Qızının yas mərasimində iştirak etməyə. Penitensiar Xidmətdən əlaqə saxlayıb bildirdilər ki, rəsmi qaydada icazə verilib”.
******
16:01
Müsavat Partiyası başqanın həbsdə olan müavini Tofiq Yaqublunun qızının dəfnində iştirak etməsinə icazə verilməsi ilə bağlı Penitensiar Xidmətə müraciət edilib. Bu barədə Lent.az-a Tofiq Yaqublunun vəkili Nemət Kərimli məlumat verib. Vəkil yaxın saatlarda müraciətlərinə cavab veriləcəyini qeyd edib.
Qeyd edək ki, Müsavat partiyası başqanının müavini Tofiq Yaqublunun qızı Nərgiz Yaqublu bu gün Rusiyanın Tomsk şəhərində vəfat edib. O, hepatit xəstəliyindən əziyyət çəkirdi.
Bizi Telegram-da izləyin
t.me/lent_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
