Azərbaycanlı qadınları Türkiyə apararaq cinsi istismara məruz qoymaqda təqsirləndirilən Lətafət Fərhadlının cinayət işi üzrə məhkəmə başa çatıb.
Lent.az-ın məlumatına görə, Bakı Ağır Cinayətlər Məhkəməsində hakim İradə Həsənzadənin sədrliyi ilə keçirilən prosesdə hökm oxunub.
Hakimlər kollegiyasının hökmünə əsasən, Lətafət Fərhadlı 8 il müddətinə azadlıqdan məhrum edilib.
Onun barəsində Cinayət Məcəlləsinin 70-ci (şərti) maddəsi tədbiq edilib. Lətafət Fərhadlıya sınaq müddəti seçilərək məhkəmə zalından azadlığa buraxılıb.
Qeyd edək ki, Lətafət Fərhadlı Daxili İşlər Nazirliyinin İnsan Alverinə qarşı Mübarizə İdarəsinin əməkdaşları tərəfindən saxlanılıb. Onun iki qadını Türkiyəyə apararaq cinsi istismara məruz qoyduğu məlum olub.
Lətafət Fərhadlıya Cinayət Məcəlləsinin 144-cü (insan alveri) maddəsi ilə ittiham verilib.
Bizi Telegram-da izləyin
t.me/lent_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
