Mənzildə pişik saxlamaq istəyənlər üçün ilk növbədə hansı cinsin sizə uyğun olduğunu müəyyənləşdirmək vacibdir.
Lent.az xarici mediaya istinadla bildirir ki, bir çoxlarını maraqlandıran sual budur: hansı pişik cinsləri mənzildə yaşamağa daha uyğundur?
“Ölçülərinin kiçik olması və ev şəraitinə uyğun həyat tərzinə görə, əksər pişiklər mənzildə də özlərini yaxşı hiss edə bilər. Əsas odur ki, onlara sosiallaşma, fiziki aktivlik, inkişaf üçün imkanlar və kifayət qədər resurslar təmin edilsin, xüsusilə bir neçə pişik eyni evdə yaşayırsa, rəqabət yaranmasın".
1. Amerika qısatüklü pişiyi (American Shorthair)
Baytar həkim Preston Turano (ASPCA Pet Health Insurance nümayəndəsi) bu cinsi belə təsvir edir:
“Amerika qısatüklü pişiklər boz və ya qəhvəyi zolaqlı tükləri və iri, gözəl gözləri ilə tanınır".
Amma əsas üstünlükləri onların daxili xarakterindədir. Onlar çox mehriban, qucaqlanmağı sevirlər, pəncərədə oturub quşları və dələni izləməyi xoşlayırlar. Bununla yanaşı, artıq çəki almamaq üçün onlara kifayət qədər hərəkət və oyun lazımdır.
2. Britaniya qısatüklü pişiyi (British Shorthair)
Bu cins nəzakətli davranışı və mənzil üçün ideal uyğunluğu ilə seçilir.
Liza Kan deyir: “Britaniya qısatüklü pişiklər adətən sakit, təmkinli və mehriban olurlar. Onlar diqqət çəkmək üçün çox miyoldamazlar və hiperaktiv davranışlara meylli deyillər. Bundan başqa, çox az hallarda evdə gizli yerlərə girirlər".
Turano isə əlavə edir: “Britaniya qısatüklü çox rahat, uyğunlaşa bilən və itaətkar yoldaşdır. Sadəcə, onu qucağınıza almağa çalışmasanız, sizinlə çox mehriban davranacaq".
3. Reqdol (Ragdoll)
Mütəxəssislərin fikrincə, mənzil şəraitində saxlamaq üçün ən ideal pişik cinslərindən biridir. Əgər siz itin xarakterinə bənzər bir pişik axtarırsınızsa, bu cins sizin üçün mükəmməldir.
“Ragdoll’ adı onların təbiətini tam təsvir edir onlar rahat şəkildə uzanır, qucaqlanmağa və sığallanmağa imkan verirlər. Reqdotlar çox sakitdir və bu səbəbdən mənzil şəraitinə mükəmməl uyğunlaşırlar".
4. Sinqapur pişiyi (Singapura)
“Sinqapur pişiyi ən kiçik pişik cinslərindən biridir, amma enerjiləri çox yüksəkdir. Onlar çox ünsiyyətcil olurlar və adətən sahibinin arxasınca evin hər yerinə gedirlər. Bundan başqa, mebellərin və ya insanların üstünə dırmaşmağı sevirlər".
O həmçinin əlavə edir:
“Sinqapur pişikləri çox ünsiyyətcil olduqları üçün evdə çox vaxt keçirən və pişiklə aktiv təmasda olan insanlar üçün ən uyğundur".
5. Şotland qıvrıqqulaqlı (Scottish Fold)
Həm Turano, həm də Kan bu cins haqqında sağlamlıqla bağlı öncədən məlumatlı olmağın vacibliyini vurğulayır.
“Qıvrıq qulaqları yaradan genetik mutasiya bəzən oynaq qığırdaqlarına da təsir edə bilər. Bu cinsi almaq istəyirsinizsə, baytarla sağlamlıq riskləri və müalicə xərcləri barədə, həmçinin yetişdirici ilə pişiyin nəsil tarixçəsi haqqında danışmaq vacibdir".
6. Birma pişiyi (Birman)
Bu zərif və mehriban pişiklər hər evə sevinc gətirə bilər.
“Mənzildə yaşayan Birma pişiyi mehribanlığı və şəfqəti ilə tanınır. Onlar böyüdükdə belə oyun oynamağı sevirlər, amma hiperaktiv deyillər. Birmalar insanlarla təmasda olmağı xoşlayır və kiçik evlərdə belə xoşbəxt yaşayırlar".
Bizi Telegram-da izləyin
t.me/lent_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
