İdman şərhçisi və keçmiş hakim Erman Toroğlu “Qalatasaray” haqqında televiziya kanalında verdiyi açıqlamalara görə "açıq şəkildə yanlış məlumat yaymaqda" ittiham olunur və üç ilə qədər həbs cəzası ilə üzləşə bilər.
Lent.az-ın Türkiyə mediasına istinadən məlumatına görə, İstanbul Baş Prokurorluğu tərəfindən hazırlanan ittihamnamədə “Qalatasaray” idman klubu və “Qalatasaray” Sportiv sənaye və ticarət investisiyaları A.Ş. "şikayətçi", Erman Toroğlu isə "şübhəli" kimi qeyd olunub.
İttihamnamədə deyilir ki, Toroğluna qarşı fevralın 8-də bir televiziya kanalında verdiyi açıqlamalarla bağlı "açıq şəkildə yanlış məlumat yaymaqda" ittiham irəli sürülüb. O, bu açıqlamada “Qalatasaray” klubunun prezidenti Dursun Özbek və Türkiyə Futbol Federasiyasının (TFF) prezidenti İbrahim Hacıosmanoğlunun görüşərək müəyyən məsələləri müzakirə etdiyini iddia edib.
İttihamnamədə bildirilir ki, təqsirləndirilən şəxs ictimai asayiş haqqında faktlara zidd olan məlumatlar verməklə ictimaiyyəti çaşdırmağa və yanlış təsəvvür yaratmağa çalışıb. Bu məlumatlar ictimaiyyətin diqqətini cəlb edən futbol mövzusudur.
İttihamnamədə Toroğlunun ictimaiyyət arasında təşviş, qorxu və ya panika yaratmaq niyyəti ilə hərəkət etdiyi və hərəkətlərinin bir çox insan tərəfindən görülə bildiyi üçün burada müəyyən qədər aşkarlıq elementi olduğu bildirilir.
Toroğluna qarşı "açıq şəkildə yanlış məlumat yaymaq" cinayəti ilə hazırlanmış və 1 ildən 3 ilə qədər həbs cəzası nəzərdə tutan ittihamnamə, göndərildiyi İstanbul Birinci İnstansiya Cinayət Məhkəməsi tərəfindən qəbul edilib.
Bizi Telegram-da izləyin
t.me/lent_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
