(R) “Unibank” neftçilərə güzəştli kreditlərin verilməsinə başladı

Neftçilərin peşə bayramı ərəfəsində “Unibank” Azərbaycanın neft sahəsində çalışan bütün vətəndaşlar üçün yeni kredit aksiyasına start verdi. Bank 15 sentyabr - 30 noyabr tarixləri arasında neft sektorunda çalışanlara sərfəli və imtiyazlı şərtlərlə kreditlərinin verilməsini aparacaq.

Neft sektorunda çalışan və nağd kreditlər üçün müraciət edən müştərilərə illik faiz dərəcədə 2% bəndi qədər endirim verilir. Bu zaman kreditlər onlara yalnız iş vəsiqələri əsasında zaminsiz 30 aylıq müddətə qədər təqdim olunur. Aksiya çərçivəsində neftçilərə xidməti vəsiqələr əsasında ayrılan kreditlərin məbləği 1500 manatadək, iş arayışı təqdim edənlər üçün isə bu rəqəm 5 000 manata qədər artırıla bilər.

Qeyd edək ki, Bank tərəfindən minimal əmək haqqı üzrə və iş stajına dair tələb irəli sürülmür. Hətta digər banklar qarşısında borc öhdəlikləri olan müştərilərə kredit verilməsi mümkündür. Müddəti 30 ay olan nağd kreditlər üzrə isə müştərilərə isə ilk altı ay ərzində yalnız faizlərin ödənilməsi imkanı verilir. Aksiya zamanı neft sektorunun işçiləri “Unibank”-dan 500 manat dəyərində pulsuz “ALBALI” taksit-kartlarını da əldə edə bilərlər.

Xatırladaq ki, Azərbaycanda Neftçilər günü sentyabrın 20-də peşə bayram kimi qeyd olunur və 1994-cü ildə “Azəri”-“Çıraq”-“Günəşli” dəniz yataqları blokunun kəşfiyyatı və istismarı üzrə imzalanan “Əsrin müqaviləsi”nin bağlanması tarixinə uyğunlaşdırılıb.

“Unibank”da istehlak kreditlərinin şərtləri və neftçilərin peşə bayramına həsr olunan aksiya barədə daha ətraflı məlumatı (012) 117 nömrəli telefonla və yaxud Bankın saytından (http://unibank.az/az/private-clients/loans/cash-loans/neftchi) əldə etmək olar.