99 min manata bina, 5600 manata çayxana satılır

Əmlak Məsələləri üzrə Dövlət Komitəsi avqustun 23-də respublikanın şəhər və rayonlarında hərraca çıxarılacaq kiçik dövlət müəssisə və obyektlərinin siyahısını açıqlayıb. Lent.az-ın Əmlak Məsələləri üzrə Dövlət Komitəsinin rəsmi saytına istinadən verdiyi məlumata görə, İstehsal və Xidmət Müəssisələrinin İdarəetmə Mərkəzinə məxsus olan və Gəncə şəhəri, A.Sultanova küçəsi, 1. ünvanında yerləşən qeyri-yaşayış binasının sahəsi 1789,2 kvadrat metr, start və ilkin satış qiyməti 98 min 918 manatdır.

İstehsal və Xidmət Müəssisələrinin İdarəetmə Mərkəzinin Bakı şəhəri, Sabunçu rayonu, Sabunçu qəsəbəsi, Mayakovski küçəsində yerləşən 13 saylı çayxanasının sahəsi 56,3 kvadrat metr, start satış qiyməti 5 min 599 manat, ilkin satış qiyməti 4 min 759 manatdır.

İstehsal və Xidmət Müəssisələrinin İdarəetmə Mərkəzinin Ağcabədi şəhəri, Heydər Əliyev prospektində yerləşən yağdəyişmə sexinin sahəsi 28,4 kvadratmetr, start satış qiyməti 1239 manat, ilkin satış qiyməti 1053 manatdır.
Mədəniyyət və Turizm Nazirliyinin də obyekti satışa çıxarılıb. Nazirliyin Masallı şəhərindəki 5 nömrəli Masallı Elmi-Bərpa İstehsalat İdarəsinin start satış qiyməti 862 manat, ilkin satış qiyməti 733 manatdır.