Bakıda yeni metalkonstruksiya istehsalçısı - «Steel Structures» MMC zavodu

Yeni yaradılmış metalkonstruksiya istehsal edən «Steel Structures» MMC zavodu «Elektroterm» MMC-nin sahəsində, Dərnəgül şossesi ilə məişət kondisionerləri zavodu arasında fəaliyyət göstərir, avtomobil və dəmiryolu nəqliyyatı üçün giriş yoluna malikdir.

«Steel Structures» MMC-nin ümumi istehsal sahəsi 14000 kv.m təşkil edir, zavod eni 24 metr olan 3 böyük aşırımdan ibarətdir, zavodda yükgötürmə qabiliyyəti 3 tondan 50 tona qədər 7 körpülü kran, yükgötürmə qabiliyyəti 20 ton olan sexdaxili arabalar, 3 və 5 tonluq yük götürən yükləyicilər və s. mövcuddur.

Keçmiş sovet avadanlıqlarından əlavə, zavod metalkonstruksiya istehsal etmək üçün Almaniya, Fransa, İtaliya istehsalı olan ən müasir avadanlıqlarla təchiz olunub. Bütün əsas avadanlıqlar müasir etibarlı elektron idarəetmə sistemləri ilə təmin olunublar ki, bu da öz növbəsində istehsal sahəsində operatorlara, zavod daxili mərkəzləşdirilmiş idarəetmə xidməti üzrə birbaşa və ya avadanlıqları istehsal edən zavodların mütəxəssisləri ilə internet vasitəsilə idarə olunma imkanı yaradır.

Zavodda quraşdırılmış avadanlıqlar metalkonstruksiya istehsalının əsas vacib məsələlərini həll etmək, yəni metalın paslanmadan təmizlənməsi, istehsalın dəqiqliyi, eyniliyi, bir-birini əvəzləmə, yığılma, keyfiyyətli boyalanma və s. qabiliyyətinə malikdir.