Baş Prokurorluq tender elan etdi

Lent.az-ın Baş Prokurorluğun mətbuat xidmətinə istinadən verdiyi məlumata görə, tender 3 lot üzrə keçirilir:

LOT-1. Qusar Rayon Prokurorluğunun inzibati binasının tikintisinin satın alınması

LOT-2. Samux Rayon Prokurorluğunun inzibati binasının tikintisinin satın alınması

LOT-3. Gəncə Şəhər Prokurorluğunun inzibati binasının tikintisinin layihələndirilmə işlərinin satın alınması

Tender iştirakçılarına təklif edilir ki, “Dövlət satınalmaları haqqında” Azərbaycan Respublikasının Qanununa uyğun olaraq, öz yazılı tender təkliflərini möhürlənmiş, imzalanmış, ikiqat bağlanmış zərfdə təqdim etsinlər. Təkliflərin qiymətləndirilməsində aşağıdakı meyarlara üstünlük veriləcəkdir: səmərəli tender təklifinə, yüksək keyfiyyətə, iddiaçının maliyyə vəziyyətinə.

Müqaviləni yerinə yetirmək üçün tender iştirakçıları lazımi texniki və maliyyə imkanlarına malik olmalıdırlar. Tenderdə iştirak etmək istəyənlər hər lot üzrə 500 manat iştirak haqqını göstərilən hesaba köçürdükdən sonra, Azərbaycan dilində tərtib olunmuş əsas şərtlər toplusunu Bakı şəhəri, Nigar Rəfibəyli küçəsi-7 ünvanından (Əlaqələndirici şəxs:Hüseynov Natiq Əlabbas oğlu, telefon:492-04-95) ala bilərlər.