Tanınmış bir vəziyyəti təsəvvür edin: səhər yeməyi hazırlayırsınız, qarğıdalı dənələri üçün süd şüşəsini açırsınız və kəskin turş qoxu hiss edirsiniz. İlk reaksiya “Qalıqları əl-üz yuyana töküm”. Bu, məntiqli görünə bilər, amma əslində ciddi problemlərə səbəb ola bilər.
Lent.az bunun səbəblərini təqdim edir:
Xarab olmuş südü əl-üz yuyana tökmək olmaz, çünki bu, təkcə evinizdəki borulara deyil, həm də ətraf mühitin ekosistemlərinə zərər vurur.
Mütəxəssislər belə izah edir
“Südü kanalizasiyaya tökmək qəti qadağandır. Onun tərkibindəki yağlar və zülallar boruların divarlarına yapışaraq bərkiyir. Zamanla bu, sıx tıxacların əmələ gəlməsinə, xoşagəlməz qoxulara, çirkab suların axmamasına və bahalı təmir işlərinə səbəb olur".
Bundan əlavə, süd kanalizasiya sularına qarışdıqda oksigen səviyyəsini azaldır, bu isə balıqlara və digər su canlılarına zərər verir.
Nə etməli?
Xarab südü daha ekoloji və təhlükəsiz üsullarla atmaq mümkündür:
Bağ və ya bostan sahibləri üçün: Südü kompostlaşdırmaq və ya su ilə durulaşdıraraq gübrə kimi istifadə etmək olar.
Kompost quyusu olanlar üçün: Bir az köhnə südü ora əlavə edin o, təbii şəkildə parçalanır və torpağa faydalı qidalar verir. Sadəcə, pis qoxunun qarşısını almaq üçün onu digər kompost komponentləri ilə yaxşıca qarışdırmaq lazımdır.
Təbii bitki gübrəsi kimi: Bir hissə südü dörd hissə su ilə qarışdırın və bitkilərin köklərinə tökün. Bu məhlul onlara sağlam böyümə üçün lazım olan mineralları verəcək. Əgər bağınız yoxdursa: Südü sadəcə zibil qabına tökün bu, borular və təbiət üçün qat-qat daha təhlükəsizdir.
Bizi Telegram-da izləyin
t.me/lent_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
