Pomidor kolları tək əkildikdə həmişə yüksək məhsul vermir. Bağbanlar bildirirlər ki, bəzi bitkilər pomidorun yanında əkildikdə həm məhsuldarlığı artırır, həm də bitkini zərərvericilərdən qorumağa kömək edir. Mütəxəssislər “qarışıq əkin” üsulunu tövsiyə edirlər. Bu üsul kimyəvi vasitələrdən daha az istifadə etməyə və daha sağlam məhsul əldə etməyə imkan yaradır.
Lent.az xəbər verir ki, pomidorun yanında reyhan, nasturasiya və məxməriçiçək əkmək xüsusilə faydalıdır. Bu bitkilər zərərvericiləri uzaqlaşdırmaqla yanaşı, pomidorun dadına da müsbət təsir göstərə bilər. Nasturasiya xüsusilə ağ milçək və mənənə kimi yay mövsümündə tez-tez rast gəlinən zərərvericilərlə mübarizədə kömək edir. Pomidor üçün yaxşı qonşu hesab edilən digər bitkilər isə bibər, ispanaq, kahı və yerköküdür. Bu bitkilər pomidor kollarının vegetasiya dövründə daha sağlam inkişaf etməsinə şərait yaradır. Mütəxəssislər bildirirlər ki, bəzi bitkilər zərərvericiləri özünə çəkərək pomidoru qoruyur, bəziləri isə faydalı həşəratları bağa cəlb edir. Məsələn, cəfəri pomidorun inkişafını gücləndirə bilər. Xren isə kartofun yanında əkildikdə onun xəstəliklərə qarşı davamlılığını artırır.
Bununla yanaşı, pomidorun yanında əkilməsi məsləhət görülməyən bitkilər də var. Kartof pomidorla eyni xəstəliklərə meylli olduğu üçün onları yaxın əkmək tövsiyə edilmir. Şüyüd də pomidor üçün uyğun qonşu hesab olunmur. Çünki o, digər bitkilərin inkişafını zəiflədə bilər. Bağbanlar pomidor kollarını mütəmadi yoxlamağı da vacib sayırlar. Yarpaqlarda qara ləkələr və ya büzüşmə xəstəlik əlaməti ola bilər. Daha bol məhsul almaq üçün mövsüm ərzində yan zoğların qoparılması da tövsiyə olunur. Mütəxəssislərin fikrincə, qarışıq əkin üsulu əlavə “kimyəvi” vasitələr olmadan bağın məhsuldarlığını artırmağın ən sadə yollarından biridir.
Bizi Telegram-da izləyin
t.me/lent_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
