Çiyələk mürəbbəsinin parlaq rəngini və təzə ətrini qorumaq üçün onu uzun müddət bişirmək məsləhət görülmür. Çiyələyin rəngini və ətrini qorumaq üçün "beş dəqiqəlik" adlanan sürətli üsuldan istifadə etmək olar.
Lent.az bu mürəbbəni hazırlamaqla bağlı əsas məsləhətləri təqdim edir.
Mürəbbə hazırlamaq üçün möhkəm çiyələklərə üstünlük verilməlidir.
"Beş dəqiqəlik" çiyələk mürəbbəsi üçün 1 kq çiyələk, 0.7-1 kq şəkər və 1-2 xörək qaşığı limon şirəsi lazımdır.
Çiyələkləri çeşidləyin, soyuq su ilə ehtiyatla yuyun və yaxşıca qurulayın. Saplaqlarını təmizləyin. Giləmeyvələri geniş bir qaba və ya qazana yığın, üzərinə şəkər əlavə edin və çiyələklərin şirə buraxması üçün bir neçə saat saxlayın. Bunun üçün ən uyğun vaxt 3-5 saat və ya soyuducuda bir gecədir.
Daha sonra qazanı zəif odda qoyun və qaynama həddinə çatdırın. Əmələ gələn köpüyü ehtiyatla götürün.
Mürəbbə qaynamağa başladıqdan sonra onu təxminən 5 dəqiqə bişirin. Limon şirəsini əlavə edib yavaşca qarışdırın və isti mürəbbəni sterilizasiya olunmuş bankalara tökün.
Bizi Telegram-da izləyin
t.me/lent_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
