İsveçdə allergiyadan əziyyət çəkən şəxslər bu ölkənin Milli Səhiyyə və Sosial Təminat İdarəsi tərəfindən təqdim olunmuş yeni milli tövsiyələr sayəsində daha keyfiyyətli tibbi yardım alacaqlar.
Lent.az xəbər verir ki, ilk dəfə olaraq mövsümi tozcuq allergiyasından tutmuş ağır qida reaksiyalarına qədər allergiyanın müxtəlif formalarının müalicəsi üzrə vahid yanaşmalar hazırlanıb.
Tövsiyələrdə orqanizmin allergiyaya səbəb olan maddəyə tədricən öyrəşdirildiyi müasir immunoterapiya üsullarına xüsusi diqqət yetirilir. Bu üsullar yalnız simptomları yüngülləşdirməyə deyil, həm də allergiyanı tam aradan qaldırmağa qadirdir. Tabletlər formasında olan preparatlar da daxil olmaqla yeni müalicə formaları terapiyanı pasiyentlər üçün daha əlçatan edir.
Bildirilib ki, hazırda yalnız ot və ağcaqayın tozcuqlarına, eləcə də gənələrə qarşı allergiya ilə mübarizə üçün tabletlər mövcuddur, lakin heyvan tüklərinə qarşı allergiyanın müalicəsi hazırlanma mərhələsindədir.
Ölkədə təxminən üç milyon insan allergiyadan əziyyət çəkir, amma indiyədək vahid müalicə standartları mövcud olmayıb. Yeni tövsiyələr tibb müəssisələrinə resursları daha səmərəli bölüşdürməyə və göstərilən yardımın keyfiyyətini yaxşılaşdırmağa kömək edəcək.
Həmçinin qeyd olunur ki, İsveçin müxtəlif regionlarında allerqoloji yardımın səviyyəsi qeyri-bərabər olaraq qalır, bu isə əsasən mütəxəssis çatışmazlığı ilə bağlıdır. Yeni tövsiyələrin tətbiqi bu fərqləri azaltmalı və xüsusilə də yeni üsulların yüksək nəticə göstərdiyi uşaqlar və yeniyetmələr üçün effektiv müalicənin əlçatanlığını artırmalıdır.
Bizi Telegram-da izləyin
t.me/lent_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
