Limonlar faydalı meyvə hesab olunur, soyuqdəymə zamanı və immuniteti gücləndirmək üçün əvəzolunmaz sayılır. Lakin bilmək vacibdir ki, limon zərər də verə bilər.
Lent.az xəbər verir ki, limon parlaq dadı və turşluğu ilə bir çoxlarının sevdiyi meyvədir. O, kulinariyada geniş istifadə olunur, soyuqdəymə zamanı çaya əlavə edilir və C vitamininin mənbəyi sayılır. Ancaq faydaları ilə yanaşı, limon bəzi hallarda orqanizmə zərər verə bilər xüsusilə müəyyən xəstəliklər və ya fərdi həssaslıq olduqda.
Limonun mümkün zərərləri
Yüksək turşuluq diş minasını zədələyə bilər, xüsusilə tez-tez istifadə edildikdə və ya isti içkilərə əlavə edildikdə. Boğazda və ya ağız boşluğunda artıq iltihab prosesi varsa, limon qıcıqlanmanı artıra və vəziyyəti ağırlaşdıra bilər. Onu infeksion xəstəliklərin yalnız ilkin mərhələsində istifadə etmək daha təhlükəsiz sayılır. Limon güclü allergendir bəzi insanlarda fərdi dözümsüzlük yarana bilər. Bu, dəri səpgisi və ya həzm problemləri ilə özünü göstərə bilər. Mədə və bağırsaq xəstəlikləri məsələn, qastrit, xora və ya pankreatit zamanı limonun turşuları iltihabı gücləndirə, ağrı və ya qıcqırma yarada bilər.
Kimlər üçün limon əks göstərişdir
Mədə-bağırsaq sistemi xəstəlikləri olan şəxslər, xüsusilə xəstəlik kəskinləşmə mərhələsindədirsə.
Allergiyası olanlar və ya sitrus meyvələrinə qarşı həssaslığı yüksək olan insanlar.
İki yaşdan kiçik uşaqlar, çünki onların həzm sistemi turş qidalara tam uyğunlaşmayıb.
Əlavə tövsiyələr
Limonun dişlərə zərərini azaltmaq üçün istifadə etdikdən sonra ağzı su ilə yaxalamaq və ya içkiləri boru vasitəsilə içmək faydalıdır. Limonu turşuluğu neytrallaşdıran digər məhsullarla məsələn, bal və ya süd məhsulları ilə birlikdə istifadə etmək daha məqsədəuyğundur. Xroniki mədə-bağırsaq xəstəlikləri olan şəxslərə limonu mütəmadi istifadə etməzdən əvvəl həkimlə məsləhətləşmək tövsiyə olunur. Beləliklə, limon faydalı məhsul olaraq qalır, lakin düzgün istifadə olunmadıqda və ya müəyyən sağlamlıq vəziyyətlərində zərər verə bilər. Ölçülü istifadə və fərdi yanaşma təhlükəsizliyin əsas şərtidir.
Bizi Telegram-da izləyin
t.me/lent_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
