İyunun 7-də Ermənistanda keçiriləcək parlament seçkiləri yaxınlaşdıqca ölkədə siyasi gərginlik artır. Seçki ərəfəsi Ermənistanda revanşist qüvvələr də baş qaldırmaqdadır.
Məlum məsələdir ki, onlara Rusiya havadarlıq edir. Elə ən əsası Robert Köçəryana... Bunların hamısı məxsusi olaraq hazırlanmış şəxslərdir. İndi də Karapetyan, eyni zamanda Çarukyan Köçəryana dəstək verirlər, onları hakimiyyətə daşımaq istəyirlər ki, öz ideyalarını həyata keçirsinlər.
Köçəryan itirdiyi hakimiyyəti yenidən qazanmaq üçün dəridən-qabıqdan çıxır. Suya düşmüş xəyallarını bərpa etmək üçün sərsəm bəyanatlar səsləndirir. Lakin o, bəyanatlarında bəzi acı gerçəkləri də etiraf edir.
Köçəryan deyir: “Sülhə can atsaq da, bu gün hələ də lazım gələrsə istifadə edə bilməyəcəyimiz silahlar alırıq. Məsələn, Fransa artilleriyası yaxşıdır, amma mərmisiz artilleriya sadəcə metal qırıntısıdır - bir neçə ton metal. İndi xəritəyə baxın: bu mərmiləri Fransadan necə idxal etməli, Ermənistana hansı yolla çatdırmalısınız? Bir şeyi xatırlatmaq istəyirəm. 44 günlük müharibə zamanı yalnız İranın hava məkanı bu cür yüklər üçün açıq idi. İndi İran ətrafında baş verənlər vəziyyəti dəyişib. Bu isə o deməkdir ki, artıq İranın hava məkanı da NATO üzvü olan Fransadan gələn yüklər üçün bağlanacaq".
Köçəryan açıq şəkildə bildirir ki, 44 günlük müharibə zamanı Ermənistana silah-sursat daşınması üçün yalnız bir ölkə - İran öz hava məkanını veribmiş. İndi isə İran ətrafında gedən hadisələrə görə bu yol da bağlı olacaq.
Köçəryan bir daha müharibə istədiyini bəyan edir, 44 günlük müharibədə və ondan əvvəlki dövrlərdə erməni hərbi cinayətlərinə ortaq olan dövlətin adını çəkir, məhz İran vasitəsilə Ermənistana silah-sursat daşındığını etiraf edir, bu gün isə o imkanların olmadığından şikayətlənir.
44 günlük müharibə zamanı İranın mövqeyinə dair daha bir faktı uzun illər İranla yaxşı münasibətləri olmuş Köçəryanın öz dilindən eşidirik. Açıq mətnlə söyləyir ki, yeganə silah yolumuz İran idi. Bu fakt uzun illər Azərbaycana qarşı davam edən işğalçı Ermənistanın İrandan aldığı dəstəyin göstəricisidir.
Əslində Köçəryanın İranla yaxın münasibətlərinin olması bizə çoxdan məlumdur. Yəni İranın Ermənistana göstərdiyi hərbi və siyasi dəstəyi haqda Köçəryandan yaxşı bilən ikinci şəxs yoxdur.
Hətta onun İrana eks-prezident kimi səfər etməsi bizim yaddaşımızdan silinməyib.
Belə ki, Köçəryan 26 dekabr 2001-ci il və 5 iyul 2006-cı illərdə Ermənistan prezidenti kimi İrana səfər etməklə yanaşı, 2010-cu ildə prezident postundan gedəndən sonra çox qəribə bir statusda - "Ermənistanın eks-prezidenti" kimi İrana gedib, İran prezidenti və XİN başçısı ilə görüşüb.
İranın 44 günlük müharibə zamanı Zəngilanda ordumuzun hərəkətinə imkan verməmək üçün maneələr yaratdığı məlum idi. İndi Köçəryanın verdiyi açıqlamadan bir daha aydın olur ki, İran silah-sursat daşıması üçün də öz hava məkanının Ermənistanın ixtiyarına veribmiş...
Bizi Telegram-da izləyin
t.me/lent_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
