Müsavat başqanı İsa Qəmbərin beynəlxalq əlaqələrlə bağlı müşaviri Yeganə Hacıyeva partiyadan istefa verib.
Bu barədə Lent.az-a Y.Hacıyeva özü açıqlama verib.
O bildirib ki, son siyasi hadisələri analiz edib və bir məqamda obyektivliyi partiya maraqları naminə görməmək seçimi ilə üzləşib. Bundan sonra isə qərara gəlib ki, Azərbaycan cəmiyyətinin maraqları partiya maraqlarından daha üstün və faydalıdır: “Bu maraqlar, hadisələrə düzgün qiymət vermək imkanından başlamış, ona doğru istiqamət verməyə, onu yalnız birliyin gücü ilə pozitivə çevirməyə qədər geniş bir sistemli fəaliyyətdir. Amma çox təəssüf ki, bunu uzun illər qarşılıqlı fayda gördüyüm təşkilatda həyata keçirə bilmirəm və bu gündən müstəqil olduğumu bəyan edirəm”.
Y.Hacıyeva deyib ki, istefası ilə bağlı heç bir ittihama cavab vermək niyyətində deyil: “Cəmiyyət üçün daha faydalı qərarların yanında olmağım və icrasında iştirakım hər şeyə aydınlıq gətirəcək”.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
