Kəndlilər yırtıcılarla üz-üzə qalarsa, nə etməlidir? -VİDEO

Son vaxtlar vəhşi heyvanların yaşayış məntəqələrinə yaxınlaşması və insanlara hücum etməsi narahatlıq yaradır.

Lent.az APA TV-yə istinadən xəbər verir ki, Qusarın İmamqulukənd kəndində çaqqalların hücumu nəticəsində təsərrüfata ziyan dəyib, üç nəfər xəsarət alıb.

Zooloq Elşad Əsgərov və ekoloq Amin Məmmədov vəhşi heyvanların kəndlərə üz tutmasının səbəblərini izah ediblər.

Mütəxəssislər təbii yaşayış mühitinin dəyişməsi, qida çatışmazlığı və məişət tullantılarının yırtıcıları yaşayış məntəqələrinə cəlb etməsi məsələlərinə toxunublar.

Həmçinin ayı, canavar və digər yırtıcılarla qarşılaşdıqda davranış qaydaları, təhlükənin qarşısının alınması yolları və aidiyyəti qurumların görə biləcəyi tədbirlər müzakirə olunub.