Azərbaycan Tibbi Dünya Konqresində - FOTO

Sentyabr ayının 4-8-də İstanbulda Dünya Endourologiya Konqresi (World Congress of Endourology and SWL) keçirilib. Konqresə Azərbaycanlı mütəxəssislərin də dəvət alması haqqında məlumat verilmişdi. Toplantının Azərbaycan üzrə əlaqələndiricisi, urologiya uzmanı Dr. Rəşad Məmmədov məruzəsində Azərbaycanda Endourologiya elminin inkişafı, laparoskopik urologiyadakı nailiyyətlərimizi əks etdirib.

Rəşad Məmmədovun dediklərindən: “Dünya Endourologiya Konqresi – endourologiya üzrə dünya çapında bir toplantıdır. Bu toplantıya dünyanın 38 ölkəsindən mütəxəssislər gəlmişdi. Eyni zamanda konqresə qatılanların sayı 2500-dən çox idi. Qürurverici haldır ki, biz də vətənimizin bu sahədə nailiyyətlərin göstərə bildik. Və dünyanın bu sahə üzrə nüfuz sahibləri ilə sıx əlaqələrimiz yarandı. Dünya Gənc Uroloqlar Assosiasiyasının Azərbaycan üzrə məsulu Dr. Asif Cahangirovun dəstəyi ilə bu toplantıya Azərbaycandan 17 gənc uroloq qatıldı. Əminəm ki, bu konqres gənc həkimlər üçün səmərəli keçdi. Bütün bunlar Azərbaycanda səhiyyənin günbəgün inkişafının və ölkə rəhbərliyinin səhiyyəyə qayğısının əyani sübutudur”.

Xatırladaq ki, Rəşad Məmmədov Azərbaycanda laparoskopik urologiya üzrə tanınmış cərrahdır. Eyni zamanda o, Azərbaycanda robotik uroloji cərrahiyyə üzrə ilk təhsilli mütəxəssisdir.