Füzulinin daha 92 sakini doğma yurda qayıtdı - YENİLƏNİB
11 sentyabr 2023 06:53 (UTC +04:00)

Füzulinin daha 92 sakini doğma yurda qayıtdı - YENİLƏNİB

Azərbaycan Respublikasının Prezidenti İlham Əliyevin tapşırığına uyğun olaraq, yenidən qurulan Füzuli şəhərinə keçmiş məcburi köçkünlərin qayıdışı davam edir.

Lent.az xəbər verir ki, sentyabrın 11-də növbəti köç karvanı Bakı şəhərinin Qaradağ rayonundakı “Qobu park 3” yaşayış kompleksindən yola salınıb.

Bu mərhələdə Füzuli şəhərinə daha 24 ailə - 92 nəfər köçürülüb.

Prezident, Müzəffər Ali Baş Komandan İlham Əliyevin rəhbərliyi ilə rəşadətli Azərbaycan ordusunun qazandığı Zəfər nəticəsində məcburi köçkünlərin 30 ildən sonra könüllü, təhlükəsiz və ləyaqətlə doğma yurdlarına qayıtmasına imkan yaranıb. Daha da gözəlləşən və abadlaşan Füzuli şəhərinin sakinləri hərtərəfli dövlət qayğısı ilə əhatə olunduqlarına görə Prezident İlham Əliyevə və Birinci vitse-prezident Mehriban xanım Əliyevaya, torpaqlarımızı işğaldan qurtaran rəşadətli Azərbaycan Ordusuna, qəhrəman əsgər və zabitlərimizə minnətdarlıqlarını bildiriblər, bu yolda canlarından keçən şəhidlərimizi böyük ehtiramla yad ediblər.

Köçürülən ailələr Füzuli şəhərində yenidən tikilən evlərdə məskunlaşacaqlar.

Bununla da Füzuli şəhərində 119 ailə, yəni 441 nəfərin daimi məskunlaşması təmin edilib.

***

Saat 06:30

Füzuli şəhərinə növbəti köç yola salınır.

Lent.az xəbər verir ki, bir qrup keçmiş məcburi köçkün doğma Füzuli şəhərinə qayıdır.

Onlar Füzuli şəhərində yenidən inşa edilmiş evlərdə daimi yaşamağa başlayacaqlar.

Ailələr Lökbatanda məcburi köçkünlər üçün salınmış “Qobu park-3” qəsəbəsindən yola salınır.

Qeyd edək ki, Füzuli sakinlərinin doğma şəhərinə qayıdışına bu il avqustun 18-də başlanılıb.

İndiyədək Füzuli şəhərinə 95 ailə (349 nəfər) köçürülüb.

# 3090
avatar

Oxşar yazılar